BULLDOZERS -lobishome-

Lembrando a MORGAN

… e AQUÍ podes escoitar o programa enteiro no que amig@s de Morgan nos lembraron a súa persoa !!

XURXO FISTERRA REC

o Xurxo de Fisterra percorre festivais coa súa videocámara. Centos de actuacións de bandas do país forman parte do seu xenuíno arquivo sonoro !! Aló a festival que vas, aló está Xurxo dándolle ó rec.

Dende xá !! iremos poñendo por aquí moitas das actuacións de grupos do país das que foi testemuña a cámara do Xurxo !!

grazas Xurxo e sempre adiante !!!

FESTIVALO en MANSELLE

Estivemos en Manselle.

Enriba do valo.

Ese valo feito polos veciños da aldea para recuperar un terreo veciñal a golpe de pedra e formigón e sen máis axuda que a súa xenerosidade e a forza das súas mans.

A aldea rusa. Irreductible e sempre adiante !!!

Do valo non imos falar que iso xa o fixo mellor que nadie Anxo Angueira.

Alí estivemos e dende alí fixemos o Planeta Furancho do venres 23 de setembro.

E disfrutamos da palabra do grande Angueira, poeta, narrador e moito máis. Tamén veciño, currela do valo e membro da comisión de festas.

E o festivalo estivo enorme. Un festi de rock en galego nunha aldea de 25 veciñ@s que levou a Manselle un feixazo de público a disfrutar de churrasco a esgalla e de música do país a esgalla: Ataque escampe, A banda da Balbina, Intercoles, Labregos do tempo dos Sputniks, Medomedá … !!!

grande noite.

parabéns á comisión de festas !!!

AQUÍ o programa que fixemos dende alí.

SALTANOCRIBO

Música que alimenta a ialma. Melodía que aloumiña os sentidos.

Chegan dende Sarria e preséntannos o seu primeiro traballo discográfico.

Folk que bebe da música tradicional pero que tamén mira adiante con palabra e composición propia.

Barbeiro no acordeón, Ismael García na percusión, Braulio Correa na guitarra, Pablo Camarero no violín, Luis Quintana coa gaita e clarinete, Rebeca Tallón na percusión, Carolina Vázquez na voz e Suso González coas frautas e gaita.

Diversidade instrumental, paixón a cachón e as cousas ben feitas para remexernos nas emocións.

SALTANOCRIBO !! coma os grans de trigo saltando no coiro da peneira.

Conexión co primixenio, coa terra, coa delicadeza das harmonías fermosas.

A súa mensaxe seica é clara: benvidos á vida !!

Entra no seu mundo !!  abofé que che vai prestar !!!

 AQUÍ a entrevista no furancho e AQUÍ eles na rede !!

ATAQUE ESCAMPE “segunda división”

OS RESENTIDOS – Galicia Canibal –

“HUMANOSE” – DIOS KE TE CREW

Tomaron o seu tempo e non era para menos.

“Humanose” tíñase que facer a pouco lume, ó xeito e con paso ben firme.

Así foi e así é como neste 2011 e 5 anos despois de aquela xoia chamada “Xénese” os Dios ke te Crew sacan o seu novo disco.

Do “Xénese” xa se dixo case todo e xa quedou ás claras que quedará para sempre coma un dos grandes capítulos para a historia da música en galego. Un disco que rachou e petou no corazón da sociedade galega como facía tempo que non petaba un traballo discográfico.

E nesas, García, Mou, Jamas, Sokram e Dj Murdock por fín nos entregan o seu segundo disco.

“HUMANOSE”

Rap humano 100%.

Rap do país. Rap enxebre.

Palabra de neuronas afiadas e linguas espabiladas.

Palabra de xente. Palabra de terra. Palabra de mundo

“HUMANOSE” chega para quedarse. Fala claro e honesto. Salvaxe, intelixente e metendo os seus dedos nas entrañas do noso sistema emocional.

Cun traballo de arte espectacular nun digipack aquelado por Liqen & Sekone e todo arredores do concepto da “HUMANOSE” que todo o fode.

Se o “Xenese” foi o que foi … o “HUMANOSE” non vai quedar atrás.

A que carallo agardades? O mellor que podedes facer é escoitalo canto antes.

AQUÍ tendes ós DIOS KE TE CREW na rede e AQUÍ podedes escoitar a entrevista que lles fixemos na nosa visita ó Rapapoulo Estudio.

Nós dámoslle uns parabéns tan enormes como o seu talento.

DIOS KE TE CREW !!  Orgullo de país !!

ATAQUE ESCAMPE -violentos anos dez-

Ataque Escampe están de volta con novo traballo.

Escoitámolo.

Titúlase “Violentos anos dez” e de novo supón un paso adiante no camiño das Ataque.

Voltámolo a escoitar.

Deixámolo correr do tirón no noso reproductor e mentras debullamos canción tras canción voltamos a caer na conta de que se este país fose un país normal discos así serían un arrase total.

Textos fermosisimamente coidados. Pequenas historias contadas e cantadas que acadan momentos de salvaxe conexión meténdonos de cheo no seu submundo vital, literario e musical.

Coa música negra máis preto que nunca.

Punk acústico. Folk americano. Rock de serie B.

O que vós queirades nen@s.

“Violentos anos dez” demostra outra vez máis que Ataque escampe é unha banda única con personalidade e sensibilidade única.

O dito: que lle pasa a este país?

Parabéns pola xoia rapaces ¡!

AQUÍ podedes saber todo sobre elas AQUÍ descarregar o disco de balde e AQUÍ escoitar a conversa que compartiron con nós o xoves 28 de xullo.

DasKapital -ruído negro-

Chamade ós antidisturbios que o Ruído Negro está aquí.

Tecno-Marxismo de sintetizadores, guitarras e discurso cargado de electricidade.

DasKapital naceu no 2010 e neste 2011 saca disco: “RUÍDO NEGRO”

Detrás do proxecto moita calidade e caras ben coñecidas do panorama galego.

Ollo ca tropa ¡

Paino, o Leo de Matamá, Davide Ageitos e seu irmán Tomás, Daniel Salgado e o Doutor Chou.

Sen concesións e cos pés no século XXI.  Socialismo ou barbarie. Discursos en chamas. A situación vólvese complicada … o ruído negro será a solución.

Non esperes nen@ … descarga de balde en KOMUNIKANDO …

DAS KÁPITAL ESTÁN AQUÍ … tas avisad@ … despois non digas que non ¡!

AQUÍ podes escoitar a entrevista que lle fixemos no programa o martes 28 de xullo.